Nan kad emisyon EDUCATION ECONOMIQUE ki pase sou Tele Caraibes, ekonomis Etzer Emile te vizite yon jaden epi yon izin mayi nan komin Katye Moren ak Limonad nan depatman Nò peyi a. Se Mèt Fèy Vèt kap dirije antrepriz sa. Emisyon sa yo gen objektif pou fè pwomosyon pou pwodiksyon nasyonal e tou pou ankouraje moun ki deside fè biznis nan peyi a.

Ekonomis Etzer Emile nan kad emisyon sa ki pase sou Tele Caraibes te fè yon bèl chita pale ak dwayen fakilte agronomi Université Quisqueya ki se doktè Gaël Pressoir. Se yon moun ki gen anpil eksperyans travay sou teren ak agrikiltè yo nan anpil kote nan peyi a. Gras ak travay rechèch Dr Gaël Pressoir ak ekip li, yo te rive jwenn solisyon pou maladi ki tap touye pitimi nan peyi a. Li kolabore ak anpil òganizasyon peyizan pou ede yo ogmante randman yo nan diri, yanm, patat, pwa elatriye. Li kwè Ayiti ka bay tèt li manje e li te eksplike kòman sa ka rive.

🔵🔴Nan moman sa li enpòtan anpil pou n ankouraje PWODIKSYON LOKAL. Se pou sa, semèn pase m te vizite plizyè antrepriz nan depatman NODÈS. Jodi a nap dekouvri Agrilog ki nan pwodiksyon ak transfòmasyon PIMAN🌶️ ak PATAT 🍠 avèk GAPL ki pwodui 9 kalite FARIN. Pa bliye pou abone ak chanel sa pou ka pa rate emisyon ÉDUCATION ÉCONOMIQUE ki pase tou sou Télé Caraïbes ak Facebook.

Rankont ak antrepriz yo nan depatman Nòdès pa kanpe. Pita n ap prezante w 2 antrepriz ki nan Wanament. Dabò nap vizite yon pwojè ki pwodui ze 🥚e kap fè fas ak anpil pwoblèm. Apre nap fè yon kout pye nan yon izin glas ak dlo💧. Fòk nou kontinye ankouraje chak moun ki pran gwo risk pou ENVESTI nan peyi a. Sonje abòne ak chanel la 🚨